Mercury hyjnia e rokut

Vokalisti tragjik i grupit "Queen", Freddie Mercury, është emëruar si 'hyjnia kryesore e muzikës rok' nga një sondazh i fundit.

Frontmeni flakërues, i cili vdiq në vitin 1991 nga shfaqja e pneumonisë si pasojë e infeksionit me HIV, ka dalë para Mbretit të rokenrollit, Elvis Presley, në votimin ku kanë marrë pjesë më shumë se 4.000 votues në faqen OnePoll.com.

Jon Bon Jovi ka zënë vendin e tretë, ndërsa top pesëshin e kanë mbyllur David Bowie dhe kitaristi legjendar Jimi Hendrix.

Çuditërsiht, njeriu i cili ka pasur nofkën ‘hyjnia e rokut’, frontmeni i grupit “The Doors”, Jim Morrison, nuk është përfshirë në top-dhjetëshin.

Dhjetë hyjnitë kryesore të rokut:
1. Freddie Mercury
2. Elvis Presley
3. Jon Bon Jovi
4. David Bowie
5. Jimi Hendrix
6. Ozzy Osbourne
7. Kurt Cobain
8. Slash
9. Bono
10. Mick Jagger