Anne Hathaway urren dasmat

Edhe pse luan në filmin, i cili ka të bëjë me nuset, "Bride Wars", aktorja Anne Hathaway i urren dasmat.

Aktorja, e cila së fundmi është ndarë nga, tashmë ish-i fejuari i saj, Raffaello Follieri, pasi që ky i fundit ishte arrestuar për mashtrim, thotë se dasmat asnjëherë nuk kanë qenë gjëja e preferuar e saj.

“Asnjëherë nuk më kanë pëlqyer dasmat. Kurrë nuk kam menduar për martesë. Unë thjesht e dua një burrë të mirë”, ka thënë Hathaway, e cila është paraqitur në një varg filmash të cilat kanë të bëjnë me dasma dhe martesa, përfshirë “Rachel Getting Married”, “The Princess Diaries 2: Royal Engagement” dhe së fundmi në filmin “Bride Wars”, ku luan krahas Kate Hudson.