Whitaker do të merr pjesë në filmin e ri të Stallones

Aktori dhe regjisori Sylvester Stallone do ta realizojë filmin e ri "The Expendables", ndërsa aktori Forest Whitaker është në bisedime për të luajtur në film.

Stallone tashmë ka nënshkruar me aktorët e filmave aksion Jason Statham, Jet Li dhe Dolph Lundgren, të cilët do të jenë pjesë e filmit që flet për disa mercenarë në një mision për ta kapur një diktator në Amerikës Jugore. Ndërsa fituesi i Oskarit, Whitaker, pritet ta luajë rolin e një oficeri të CIA-s i cili do të jetë koordinuesi i tyre.

Skenarin e filmit e ka shkruar vetë ylli i filmit “Rocky”, ndërsa xhirimet, të cilat do të realizohen në Louisiana dhe Costa Rica, do të fillojnë në mars të këtij viti.