Hilton përgënjeshtron shtypin

Paris Hilton e ka akuzuar shtypin se po ‘prodhon’ tregime të pavërteta për jetën e saj duke thënë se më shumë se 95% e atyre që thuhen për të janë të pavërteta.

Trashëgimtarja e hoteleve vazhdimisht lexon gjëra të pavërteta për jetën e saj nëpër gazeta dhe revista, ndërsa thotë se nganjëherë ndjehet e ofenduar për ato që thuhen për të, siç ishte rasti me shkrimet kinse pasanikja i ka ngacmuar dy princat britanikë, Princin William dhe Princin Harry.

“95% e atyre që thuhen janë gënjeshtra. Lexova një tregim kinse unë kam vallëzuar në mënyrë joshëse përpara Princit William dhe Princit Harry, kur në fakt unë qëndroja ulur dhe ata erdhën dhe u përshëndetën me mua”, ka treguar Hilton.