Hodge Hawk – befasia nga Zelanda e Re

Deri para pak kohësh anonimusi i dizajnit industrial, Alex Hodge nga Zelanda e Re tashmë ka realizuar disa projekte të suksesshme. I fundit në vargun e projekteve të tij ka ngjallur interesim të madh në botë dhe quhet Hodge Hawk.

Hodge Hawk në fakt është një triçikletë, diçka në mes të motoçikletës dhe automobilit – dhe ka marrë më të mirat nga këto dy produkte.

Në rastin më konkret, kualiteti i tij kryesor është dizajni i qëlluar, te i cili vështirë se mund të heqësh apo shtosh ndonjë gjë.

Dizajneri ka paraparë që kjo pajisje të vihet në lëvizje me një motor të Hondës, RC51, që mund të thuhet se edhe i përshtatet këtij dizajni

Motori ka 120 KF dhe mund të zhvillojë shpejtësinë prej 233 km/h, së paku ashtu thonë parashikimet e analistëve.

Hawk ka rrota të madhësisë 19-inç, ndërsa siguria garantohet me disqet frenuese në të tri rrotat.

Hodge Hawk momentalisht ndodhet në fazën ideore, mirëpo gjykuar në bazë të interesimit të madh, gati mund të thuhet se ardhmëria e tij është e sigurt. /index/telegrafi/