Plant vokalisti më i mirë i muzikës rok

Vokalisti i grupit legjendar "Led Zeppelin", Robert Plant, ka marrë një tjetër çmim të madh në vitin 2009, duke u emëruar si Zëri më i mirë i muzikës rok nga një sondazh në radio.

Plant, i cili në këtë vit të ri është nderuar me çmimin mbretëror “Commander of the Order of the British Empire” për shërbimet e tij në muzikë dhe në industrinë argëtuese, ka kryesuar listën prej 40 këngëtarëve të përpiluar nga “Planet Rock”, duke u zgjedhur ‘The Greatest Voice in Rock’ nga votuesit e drejtpërdrejtë.

Në vend të dytë është renditur Freddie Mercury, ndërsa vendin e tretë e ka zënë zëvendësuesi i Freddiet te grupi “Queen”, Paul Rodgers.

Dhjetë vokalistët më të mirë të muzikës rok të të gjitha kohërave të votuar nga dëgjuesit e radios “Planet Rock”:

1. Robert Plant (Led Zeppelin)
2. Freddie Mercury (Queen)
3. Paul Rodgers (Queen)
4. Ian Gillan (Deep Purple)
5. Roger Daltrey (The Who)
6. David Coverdale (Deep Purple, Whitesnake)
7. Axl Rose (Guns N’ Roses)
8. Bruce Dickinson (Iron Maiden)
9. Mick Jagger (Rolling Stones)
10. Bon Scott (AC/DC)