PS3 shpenzon tri herë më shumë se frigoriferi

Shoqata joqeveritare australiane ACA (Australian Consumer's Association) kujdeset për mbrojtjen e konsumatorëve, e në kuadër të punës së saj publikon edhe revistën me emrin CHOICE. Pikërisht në të kanë publikuar edhe të dhënat e shpenzimit të rrymës të pajisjeve të caktuara elektronike.

Interesante në këtë studim është se revista Choice ka krahasuar shpenzimin e pajisjeve të caktuara, e duke krahasuar frigoriferin mesatar me lartësi prej 1.5 metrash dhe konzolën e popullarizuar të lojërave PlayStation 3 të kompanisë Sony ka zbuluar të dhëna interesante. Frigoriferi, në fakt, brenda vitit i kushton pronarit të vet 50 dollarë shtesë në shpenzimin e rrymës, derisa PS3 u kushton dukshëm më shumë, rreth 250 dollarë, dhe atë derisa konzola nuk është përdorim.

Sa u përket konzolave tjera të lojërave, në vendin e dytë për nga shpenzimi vjetor i rrymës të llogaritur në dollarë është gjendur Xbox nga gjiganti Microsoft me rreth 185 dollarë në vit, derisa në vendin e tretë është pozicionuar Nintendo Wii me rreth 25 dollarë në vit.