Touchscreen pa prekje

Touchscreen pa prekje
Apple ka patentuar teknologjinë për kontrollimin e ekraneve të ndjeshëm në prekje e cila do të mund të mundësoj udhëheqjen e butonave vetëm me vendosjen e gishtit mbi ekran, njoftojnë mediat.
Teknologjia do të përdoret së bashku me ekranet ekzistuese të cilët reagojnë në prekje, e për punë do të nevojiten më shumë sensorë ultra të kuq të cilët do t’i japin vendosje relative gishtave, duarve apo objekteve tjera në raport me pajisjen me matjen e masës së ndriçimit në pozitat e ndryshme të ekranit.

Ajo që Apple paralajmëron me këtë teknologji është mundësia e modifikimit të paraqitjes varësisht nga pozita e objektit mbi ekranin. Aktualisht sensorët e iPhone shkyçen në momentin që i afrohen veshit, derisa teknologjia e re do të mund të mundësonte që pjesë të caktuara të ekranit të mbesin aktive.