iPhone për herë të parë tejkalon Windows Mobile

iPhone për herë të parë tejkalon Windows Mobile
iPhone ka bërë të pamundurën: për gjithsej dy vite e ka tejkaluar numrin e njësive të shitura të celularëve në të gjitha platformat Windows Mobile së bashku.
Sipas raportit të fundit të analizave nga shtëpia analitike “Gartner”, tregu i telefonave të mençur (smartphone) ka ngadalësuar rritjen, por ende është në rritje: në tremujorin e tretë të këtij viti janë shitur 36.5 milionë telefona të mençur, që është rritje prej 11.5 për qind në krahasim me periudhën e njëjtë të vitit 2007.

Ajo që është e rëndësishme është se pjesëmarrja në treg e kompanisë Apple (e cila në treg ka vetëm një model, atë iPhone) është rritur për 12.9 për qind, që e vendos në vendin e tretë, pas Nokias dhe prodhuesit BlackBerry, të kompanisë RIM. Mirëpo, tani për herë të parë shitja e iPhone ia ka kaluar të gjitha pajisjeve me Windows Mobile, e ky trend sigurisht nuk u shkon për shtati prodhuesve të cilët përdorin atë platformë.

Fakti është se Windows Mobile ka paraqitje bukur të vjetër dhe se Windows Mobile 7 duhet të bëj kthesë me të vërtetë radikale në krahasim me versionin e tanishëm, 6, në mënyrë që ky trend të ndryshojë.