Virus i ri në Facebook

Virus i ri në Facebook
Në Facebook është paraqitur virusi i emëruar "Koobface" i cili kërcënon që me anë të shkëmbimit të porosive të rrezikoj kompjuterët e 120 milionë përdoruesve të këtij shërbimi.
Qëllimi bazë i virusit i cili e ka përfshirë këtë faqe të popullarizuar të internetit për rrjetëzim shoqëror është mbledhja e informacioneve siç janë numrat e kartelave bankare të përdoruesve.

"Disa viruse kanë tentuar të shfrytëzojnë Facebookun në mënyrë të ngjashme për tu përhapur tutje", ka deklaruar zëdhënësi i Facebook-ut Barry Schnit për agjencinë e lajmeve Reuters, por, siç ka pohuar ai, "është një përqindje shumë e vogël e përdoruesve të cilët janë infektuar".

Koobface shpërndahet me dërgimin e porosive tek miqtë me anë të kompjuterit i cili veçmë është infektuar me virus. Porositë e tilla zakonisht në titull kanë "You look just awesome in this new movie", dhe gjëra të ngjashme, dhe më pas nga pranuesit e porosisë kërkon të shkarkojnë përditësimin e supozuar të flash playerit nga Adobe Systems Inc.

Nëse kjo bëhet, virusi i shkarkuar i dërgon ata në faqet e infektuara kur tentojnë t’i qasen faqeve si Google, Yahoo, MSN e Live.com, raportojnë hulumtuesit e programit kundër viruseve McAfee. Ata qysh të mërkurën ua kanë tërhequr vëmendjen përdoruesve se Koobface është duke u sjellë nëpër Facebook, dhe të kanë kujdes se çfarë po ruajnë në kompjuterin e tyre.

Nga Facebook rekomandojnë fshehjen e të dhënave personale nga përdoruesit të cilët nuk kanë llogari të hapur në këtë faqe. Gjithashtu, këshillohet fshirja e e-mailave të cilët janë të infektuar, e madje është vendosur edhe udhëzimi se si të pastrohen kompjuterët e infektuar.


www.facebook.com