T.I. dhe Beyonce në katër pozitat e para

T.I. dhe Beyonce në katër pozitat e para
Reperi T.I. ka shënuar edhe javën e pestë në krye të top listës amerikane me duetin e tij me këngëtaren Rihanna, “Live Your Life”, por Beyonce është kërcënim i dyfishtë për reperin, duke qëndruar në dy pozitat e radhës.
Hiti “Single Ladies (Put a Ring on It)”, është ngjitur në vendin e dytë që nga pozita e 28-të, kryesisht falë 204,000 shkarkimeve digjitale, derisa balada e saj “If I Were a Boy”, qëndron në pozitën e tretë.

Ylli i muzikës r’n’b, ka siguruar edhe vendin e parë në top listën e albumeve, kur të mërkurën albumi i saj i ri “I Am...Sasha Fierce” debutoi në pozitën e parë.

Ndërkohë, hiti i T.I., “Whatever You Like”, i cili më herët ka kryesuar listën, tash mban pozitën e katërt, derisa kënga e Katy Perry, “Hot N Cold”, mbyll top pesëshin.