Player i ri multimedial nga iRiver

Player i ri multimedial nga iRiver
Prodhuesi korean iRiver ka ndryshuar nga pak playerët e saj të suksesshëm nga seria E100 dhe në treg i ka plasuar me emrin e ri, E100 Season 2.
Rifreskimi i playerëve multimedial E100 para së gjithash është bërë në ngjyrat e tyre. Derisa modelet E100 kanë qenë njëngjyrëshe, seria Season 2 ofron kombinimin e dy ngjyrave të shtëpizës. Përveç ngjyrave ndryshime nuk ka edhe në shtëpizat e playerëve audio dhe video. Sa i përket mundësive playerët Season 2 janë pajisur me pranues të radiovalëve FM me mundësi incizimi të radio programeve dhe hyrje për incizimin e audio materialeve.

Playerët E100 Season 2 janë me dimensione jashtëzakonisht të vogla, në pjesën e përparme gjendet ekrani i madh dhe pikat kontrolluese, derisa në pjesën e prapme kanë zmadhues stereo si dhe qasje për kartelat e memories SD. Pa marrë parasysh integrimit të zmadhuesve iRiver së bashku me player ofron edhe dëgjuese shumë kualitative me të cilën gjë dallohet nga shumica e prodhuesve korean, por edhe nga ata kinezë. Dallimi i tyre kryesor është mbështetja për audio formatet më pak të popullarizuara si FLAC e OGG. Nga video formatet E100 Season 2 mbështet atë Xvid.

Playerët e rinj kanë mbajtur kapacitetin e serisë origjinale E100 e cila vjen me 2GB, 4GB e 8GB memorie flash të integruara në pajisje. Pritet që çmimi i playerëve E100 origjinal të bie, derisa modelet Season 2 do të shiten prej 110 deri në 160 dollarë amerikanë.

www.iriver.com