Pasurohet me lojën për iPhone

Pasurohet me lojën për iPhone
Steve Demeter është programues i cili gjatë kohës së lirë ka krijuar një lojë logjike për iPhone me emrin Trism. Loja është treguar aq e suksesshme sa që Steve tani jeton shumë mirë nga përfitimet prej lojërave për iPhone.
Steve ka vendosur lojën e tij në dyqanin online Apple App Store me çmim prej 4.99 dollarësh. Bëhet fjalë për një lojë të thjeshtë logjike në të cilën përshtatni forma të shumëngjyrshme dhe hapni shpërblime të ndryshme. Rezultati ka qenë fantastik: brenda dy muajsh ka fituar madje një çerek milion dollarë, që e ka nxitur të lëshojë punën në bankën ku ishte i punësuar dhe t’i dedikohet veçanërisht përpunimit të lojërave.

Studio e tij quhet Demiforce dhe aktualisht është duke punuar në pesë lojëra të reja, e një prej tyre është vazhdimi i lojës Trism. Ky sukses gjithsesi do t’i nxisë edhe programuesit tjerë të rinj që tu dedikohen krijimit të lojërave të reja për iPhone, përkundër rregullave mjaft rigoroze të kompanisë Apple të cilat duhet të respektohen në mënyrë që loja të paraqitet në App Store.

www.apple.com