Nokia prin në listën e teknologjisë së gjelbër nga organizata Greenpeace

Nokia prin në listën e teknologjisë së gjelbër nga organizata Greenpeace
Greenpeace International, një nga organizatat më të mëdha botërore për mbrojtjen e mjedisit, ka publikuar listën e dhjetë të elektronikës “së gjelbër” e cila kategorizon kompanitë botërore sipas kriterit të mbrojtjes së mjedisit.
Nokia si shembull

Vendi i parë për vetëdijesim ekologjik i ka takuar kompanisë Nokia falë programit të saj për riciklimin e celularëve të vjetër si dhe largimin e përdorimit të plastikës pvc nga pajisjet celulare.
Rezultate të mira kanë shënuar edhe Sony Ericsson e cila garanton riciklimin, Toshiba, Samsung të cilat ende e kanë pikë të dobët riciklimin dhe Fujitsu-Siemens.

Në mesin e listës qëndron Motorola e cila ka shënuar përparim të madh në shpenzimin e energjisë dhe riciklimin, mirëpo edhe shumë gjëra tjera duhet të ndryshohen për tu bërë “më e gjelbër". Rezultate më të dobëta ka realizuar Acer, një prej prodhuesve më të mëdhenj të laptopëve, pikërisht për shkak të përdorimit të materialeve helmuese dhe vetëdijen e dobët për riciklim


Apple përparon, por ende mbetet “e keqe"

Edhe pse Apple është gati në fund të listës megjithatë është shënuar përparim falë linjës së re të kompjuterëve të përpunuar nga alumini, mirëpo problemi edhe më tutje, siç pohon Greenpeace, qëndron në përdorimin e substancave helmuese në iPod i cili është i shpërndarë pothuajse në çdo shtëpi.
Kompania nga e cila është pritur më shumë, që e zë vendin e parafundit në listë, është Microsoft pikërisht për shkak të përdorimit të kimikateve helmuese në prodhim dhe për mosekzistimin e një programi për përkujdesje ndaj pajisjeve të vjetra.

Nintendo nuk mërzitet fare për ekologjinë?!

Nintendo edhe këtë vit mban vendin e fundit falë dëshirave të cilave kurrë nuk i kanë zbatuar në plane konkrete prandaj edhe më tutje përdorin komponentë helmues, plastikë dhe nuk asnjë lloj programi për përkujdesje ndaj konzolave të vjetra të lojërave.