Publikohet lista e domeneve më të rrezikshëm

Ekspertët e kompanisë për siguri, McAfee kanë publikuar një raport jashtëzakonisht të thuktë për rrezikun potencial i cili u kërcënohet njerëzve të cilët shëtisin nëpër internet kur vizitojnë domene të caktuara.

Si domenet më të rrezikshme, në të cilët më së shpeshti mund të sulmohet kompjuteri, McAfee ka theksuar .hk (Hong Kong), .cn (Kina) dhe .info. Nga të gjithë domenet .hk të cilët McAfee i ka analizuar, 19.2 për qind e tyre janë potencialisht të rrezikshëm për vizitorët, derisa rreziku në .cn domenin është 11.8 për qind, derisa .info është i treti me 11.7 për qind.

Nga domenet tjera, rrezik i madh kërcënon nga ai rumun .ro, ku mund të infektoni kompjuterin në 6.8 për qind, si dhe atij rus .ru ku rreziku është gjashtë për qind.

Si domeni më i sigurt ka dalë të jetë .gov.

Ky është viti i dytë me radhë që kompania McAfee publikon raportin e vet të emëruar 'Mapping the Mal Web', derisa ky i sivjetmi është bërë me një mostër prej 9.9 milionë hapësirave të uebit në mbarë botën.