LG paraqet disko celular

LG paraqet disko celular
Celulari i ri i kompanisë LG është një nga modelet për të cilët është e pamundur të parashikohet se si do të shitet, sepse është vështirë të mendohet që dizajni me lara dhe i artë do t’i pëlqej të gjithëve.
Dizajni i lumtur së bashku me topin e diskos në ekran dhe një bollëk llambash LED të integruara na japin të kuptojmë se LG KC560 është i dedikuar për shfrytëzuesit e rinj.

Nga specifikat, në të gjendet ekrani 2.4 inçësh QVGA, kamera me rezolucion prej tre megapikselash, Bluetooth 2.0, FM radio, GSM dhe mundësia e zgjerimit me anë të kartelave microSD.

Pra, krejt ato që nevojiten për dëgjim të muzikës janë në të, e ajo më e rëndësishmja është se celulari mund të kalojë mirë në mesin e të rinjve – çmimi – është bukur i përshtatshëm: 300 deri në 350 dollarë. Mirëpo, pajisja mund të blihet vetëm në Kinë, se kur do të vjen dhe nëse do të vjen ndonjëherë tek ne, ende nuk është e njohur.

www.lg.com