Pagarusha do të nxjerrë CD

Pagarusha do të nxjerrë CD
Adhuruesit e Nexhmije Pagarushës në muajin nëntor do të mund ta kenë në dorë CD-në e parë me këngët e saj, njofton gazeta "Koha Ditore".
Bilbilit të Kosovës i është bërë një ofertë nga Shqipëria që të gjitha këngët e saj të përmblidhen në një CD.

“Do të realizohet nëse nuk i bi pishman. U kam thënë edhe atyre në Tiranë se unë jam e papërshtatshme për punë”, është cituar Pagarusha nga gazeta.

Mësohet se për ta realizuar këtë CD, Pagarushën e ka bindur këngëtari shqiptar Ardit Gjebrea, ndërsa këngëtarja e madhe ka premtuar publikisht se do të mundohet ta realizojë premtimin, pasi që e konsideron si detyrim ndaj adhuruesve të saj.