Flori dhe Elvana më shumë se miq

Flori dhe Elvana më shumë se miq
Takimet e shpeshta në mes të kantautorit Florian Mumajesi dhe këngëtares Elvana Gjata, duket t’i ketë kaluar kufijtë e një miqësie të ngushtë. Të paktën, kështu thuhet nëpër mediat në Shqipëri.
Dyshimet për një lidhje të mundshme kanë nisur kur një paparaci ka shënuar me objektivin e fotoaparatit Gjatën dhe Mumajesin të përqafuar. Përveç kësaj, mediat shkruajnë se Gjata e Mumajesi kohëve të fundit janë parë së bashku me miq nëpër shumë ndeja, por që në të shumtën e rasteve ata kanë qenë të vetëm.

Kujtojmë se Flori dhe Elvana në edicionin e sivjetmë të “VideoFestit Muzikor” së bashku kanë parakaluar në qilimin e kuq. Njëherësh ata ka qenë në shoqëri të njëri-tjetrit gjatë tërë kohës.

Kantautori kohë më parë ishte në lidhje me këngëtaren e njohur nga Shqipëria, Soni Malaj, e cila së fundmi është parë në shoqërim të futbollistit Lorik Cana.

Kantautori Mumajesi është ndër bashkëpunëtorët e ngushtë të këngëtares Gjata. Hiti i saj i fundit “Vetes” është pikërisht një krijim i Florit. /ktv/