"Tropic Thunder" vazhdon të kryesojë

Komedia e Ben Stillerit për luftën, "Tropic Thunder", ka vazhduar ta kryesojë U.S. Box Office edhe në javën e tretë, duke fituar 11.5 milionë dollarë vetëm këtë vikend.

Komedia në të cilën luajnë Ben Stiller, Jack Black, Robert Downey Jr. dhe Tom Cruise, e ka mposhtur trilerin futuristik “Babylon A.D.”, me aktor Vin Diesel, i cili ka grumbulluar 9.7 milionë dollarë në javën e tij të parë. “The Dark Knight” është ngjitur në vendin e tretë duke shtuar edhe 8.75 milionë dollarë në arkën e tij.

Në vendin e katërt është filmi për Batmanin i cili ka grumbulluar gjithsej (për katër javë) 502.4 milionë dollarë, duke u bërë kështu filmi i dytë në historinë e Hollywoodit që i kalon 500 milionë dollarë në muajin e parë.