Fox ka pranuar se ka qenë e dashuruar në një striptizere

Aktorja Megan Fox ka pranuar se dikur ka qenë e dashuruar në një striptizere. Ylli i filmit “Transformers”, që është e fejuar me aktorin Brian Austin Green, ka bërë të ditur se kur kishte 18-vjet ka pasur një lidhje të shkurtër me një bukuroshe ruse të quajtur, Nikita. “Në atë kohë i dashuri im sapo më kishte braktisur dhe ndihesha vërtet e lënduar kështu që vendosa të dilja me femra. U dashurova në një striptizere, me emrin Nikita, dhe kisha vendosur të bëja të pamundurën për të krijuar një lidhje me të. Mbaj mend se ajo vallëzonte shumë bukur me baladat e ‘Aerosmith’”, ka treguar Megan. Pavarësisht eksperimentit të saj që të formojë lidhje me femra, Megan insiston se është shumë e sigurt në orientimin e saj seksual, por nuk mendon se ka diçka gabim që një femër të dashurohet në një femër tjetër. Sipas saj, kjo nuk do të thotë patjetër që je lezbike.