Shkrimi i SMS-ve më i rrezikshëm se vozitja ‘e dehur’

nuk është ndonjë zbulim i ujit të vakët, mirëpo e dhëna se kjo është më rrezik sesa të themi nga vozitja në gjendje të alkoolizuar apo në gjendje të droguar, këtë nuk e kemi ditur. Pikërisht këtë që përmendëm e pohojnë nga organizata hulumtuese britanike - Transport Research Laboratory.
Transport Research Laboratory është e themeluar në vitin 1933 dhe që prej atëherë merret me hulumtim dhe shërbime këshillëdhënëse në fushën e trafikut. Kësaj radhe kanë vendosur të hulumtojnë ndikimin e shkrimit dhe leximit të porosive SMS gjatë vozitjes.

Sipas pohimeve të kësaj organizate, reagimi i personave të cilët gjatë vozitjes shkruajnë SMS porosisë është i zvogëluar për madje 35 për qind, që është dukshëm më shumë prej personave nën ndikimin e alkoolit apo drogave, reagimet e të cilëve zvogëlohen për 12, respektivisht 21 për qind. Po ashtu, ata që shkruajnë SMS janë më të prirë sesa vozitësit e dehur apo të droguar të largohen nga korsia në të cilën janë duke vozitur.

Studimi i përgjithshëm është kryer në Britani të Madhe ku gjatë vitit të kaluar për shfrytëzimin e celularit gjatë vozitjes janë dënuar rreth 144.000 vozitës.

www.trl.co.uk