Vertu Signature S – vetëm për pasanikët

Tingëllon ironike, por në botën e celularëve superluksoz të cilët mund t’i blejnë vetëm ata që i kanë xhepat e thellë, performansat e mira vijnë më së voni. Kështu edhe pajisja e re Nokia Vertu Signature S vetëm tash është bërë me 3G dhe WiFi.
Atyre të cilëve do t’u pëlqej ky celular sigurisht edhe nuk do të pyesin për detajet si WiFi, sepse këtu në rend të parë bëhet fjalë për dizajnin dhe prestigjin, derisa mundësitë janë të rëndësisë dytësore. Mirëpo ne, ashtu siç jemi, dëshirojmë të dimë se çfarë mundet kjo çudi prej pajisjeje të bëj.

Përgjigjja, natyrisht është, asgjë e veçantë: nga risitë në të janë EDGE e HSDPA dhe lidhja WiFi, pastaj ekrani OLED QVGA, e krejt këto në shtëpinë e zgjatur me tastierë e cila duket jashtëzakonisht jopraktike. Mirëpo ky është çmimi i të veçantës. Çmimi është shumë më i madh sesa ne mund të na e mbajë xhepi, e pajisja do të jetë shitje gjatë muajit tetor të këtij viti.

www.vertu.com