Kthjellu sonte

Kthjellu sonte
Rok grupi kosovar “Kthjellu” është kthjellur pikërisht disa ditë para se të përfundojë sezoni i verës - ata do tё kёndojnё “live” në lokalin “Duplex”, në Prishtinë, pranë Shkollës Fillore Amerikane.
Nuk dihet nёse së bashku me grupin nga Ferizaj nё skenё do tё ngjitet edhe këngëtari i njohur nga Shqipëria, Alban Skenderaj, i cili kohëve të fundit është parë nëpër Kosovë.

“Kthjellu” është i vetmi grup kosovar që ka fituar çmimin e parё nё festivalin e njohur të muzikës moderne në Shqipëri, “Top Fest”, festival ky që organizohet nga televizioni “Top Channel”.

Gjatë ndejës, grupi “Kthjellu” do ta bëjë edhe promovimin e këngës së re, ndërkohë që do të ketë shumë befasi tjera. Do të dhurohet një kitarë me nënshkrimin e bendit, kamerë digjitale, si dhe do të krijohet një fond për policët e SHPK-së të rënë në detyrë.

Anëtarët e grupit Kthjellu jane:
Mentor HAZIRI - Vokal
Leonard Canhasi - Kitare
Nesim Maxhuni - Drums
Jeton Dolaku - Keyboards