Adobe Lightroom 2 fillon shitjen

Adobe Lightroom 2 fillon shitjen
Versioni i ri i softuerit të specializuar nga Adobe për konversionin dhe përpunimin e fotografive të regjistruara në formatet RAW e JPEG ka filluar shitjen.
Mekanizmi të cilin Adobe e përshkruan si të pazëvendësueshëm në përpunim, organizim të dosjeve të regjistruara dhe paraqitje të fotografive është integruar në versionin 2. Softueri i ri përmban mbështetje për dy ekrane, funksionin e përmirësuar për kërkim të fotografive dhe mbështetje për Windows Vista 64-bit si dhe për MacOS X 10.5.

Dukshëm janë përmirësuar funksionet automatike për mprehtësinë e fotografive, filtrat e gradimit dhe sistemi për përmirësim të lokalizuar të pjesëve të caktuara të fotografive.

Të gjitha risitë janë bërë në bashkëpunim me fotografët të cilët kanë provuar versionin e ri të Lightroom.


Kryetari i shoqatës amerikane të profesionistëve të cilët përdorin programin Photoshop, Scott Kelby, e ka quajtur Lightroom 2 si zgjidhje komplete për nevojat e një fotografi modern.

Çmimi i programit Adobe Lightroom 2 për përdorues të rinj është 299 dollarë amerikanë, derisa çmimi i azhurnimit të versionit të vjetër është 99 dollarë amerikanë. Të gjitha çmimet e përmendura vlejnë për tregun amerikan.

www.adobe.com