Borriello dy muaj jashtë fushe

Borriello dy muaj jashtë fushe
Sulmuesi i Milanit, Marco Borriello, do të jetë së paku dy muaj jashtë aksionit pasi ekzaminimet kanë treguar se e ka lënduar meniskun.
Borriello është lënduar javën që shkoi gjatë stërvitjeve, ndërsa testet mjekësore treguan se ligamenti i jashtëm i meniskut të gjurit të djathtë ishte dëmtuar dhe ka nevojë për ndërhyrje kirurgjike. Ky lëndim do ta mbajë jashtë loje sulmuesin deri në fund të shtatorit.

Aktualisht Milani mbetet me vetëm një sulmues, Alberto Paloschi, pasi që Pippo Inzaghi dhe Borriello janë të lënduar, ndërsa Ronaldinho dhe Alexandre Pato janë pjesë e Brazilit në Lojërat Olimpike. Kjo është një arsye e madhe që Rossonerët të kërkojnë një sulmues të ri në “treg”.