Mungon Besarta

Mungon Besarta dhe grupi i "xhelozëve" të fituesit. Nëse pak ditë më parë Arbri ishte paksa konfuz me ardhjen e Madalenës në Tiranë, dy ditë më parë është ndier më në formë, teksa vajza që ka dashur gjithmonë i ka qëndruar në krah, gjatë promovimit të nismës së tij. Ai ka hapur zyrën e re për projektin e shumëpërfolur, për të startuar kështu ëndrrat që filloi t’i thurë brenda shtëpisë së "Big Brother".
Por duket se ceremonia e promovimit ka qenë një festë e vërtetë, kur nuk kanë munguar jo vetëm disa nga ish-protagonistët e “Big Brother”, por edhe emra të njohur të politikës, të cilët duket se janë edhe mbështetës të Arbrit në projektin e tij, për një Shqipëri ndryshe.

Arbri ka premtuar sërish se me shumën prej 50 mijë eurove që ka fituar nga “Big Brother” projekti i tij parashikon që të fokusojë të gjitha problemet që shqetësojnë shqiptarët, mes të cilave ato ekologjike, trashëgimisë kulturore, ndërtimi dhe rikonstruksioni i mjediseve shkollore, sportive apo argëtuese.