Real Madrid aktivizon planin B

Real Madrid aktivizon planin B
Presidenti i kampionit të Spanjës, Ramon Calderon, sot do ta informojë bordin drejtues të Real Madridit se klubi do të heqë dorë nga synimi për të angazhuar Cristiano Ronaldon, dhe do të aktivizojë planin B.
Siç shkruan AS, Calderon ka caktuar takim për sot pasdite, në të cilin do të marrin pjesë drejtorët e klubit.

Sipas mediave spanjolle, Calderon do të kërkojë që të zvogëlohet interesimi për Ronaldon, dhe klubi të kthehet kah përforcime të reja.

Plani B është që paratë e parapara për Cristiano Ronaldon, të shfrytëzohen për angazhime të futbollistëve të tjerë, saktësisht atij të Hamburgut, Rafael van der Vaart, si dhe sulmuesit të Valencias, David Villa.