Geti: “Jam rrahur, por jo me reperin Gold AG”

Lajmi i bërë publik në media ditëve të fundit se reperi Getoar Selimi nga rep-grupi “Tingulli 3nt” është rrahur me reperin Gold AG, nuk është i vërtetë. Këtë e ka bërë të ditur për emisionin tonë vetë Geti. Ai ka pranuar se ka pasur një zënkë fizike, por jo me këtë reper të cilin ai ka thënë se as që e njeh. “Është e vërtetë se kam pasur një rrahje, por jo me këtë person, por me një djalë që nuk ka të bëjë fare me repin. Ai më kë sharë dhe unë e kam zhagitur për toke”, është shprehur Geti përmes telefonit. Ngjarja ka ndodhur në “Kino Studio”, në kryeqytet në promovimin e albumit të ri të grupit kosovar K-OS. Pas kësaj që të dy janë marrë në pyetje nga Shërbimi Policor i Kosovës dhe janë liruar më vonë.