Edicioni i ardhshëm i “Potokalli” pa grupin “The SHBLSH”

Edicioni i ardhshëm i “Potokalli” pa grupin “The SHBLSH”
Siç ka bërë të ditur edhe autori i emisionit më të popullarizuar humoristik në shqiptari, Agron Llakaj, në edicionin e ardhshëm të “Portokalli” nuk do të kemi kënaqësinë për të parë treshen më argëtuese, “The SHBLSH”.
Djelmoshat e “The SHBLSH”, me gjithë përpjekjet e mediave shqiptare, nuk kanë pranuar të komentojnë rreth përjashtimit të tyre nga sezoni i ri i spektaklit në “Top Channel”. Gentian Zenelaj, një nga protagonistët kryesorë, nuk ka pranuar por as mohuar këtë fakt, dhe i ka konsideruar si thashetheme mediatike.

Por siç ka pohuar edhe Agron Llakaj në një intervistë për gazetën Panorama, është e sigurt që djemtë janë përjashtuar përfundimisht nga ky spektakël. Përjashtimi, sipas disa burimeve të kësaj gazete, vjen pas një kontradikte dhe një zënke të Julian Dedës (njërit prej The Shblsh) me drejtuesit.

Që në sezonin e kaluar, nga ky grup u largua Ermal Mamaqi, që u zëvendësua nga Gent Bejko. Protagonistët e pëlqyer të këtij spektakli të përjavshëm, të cilët fituan audiencë të madhe, dhe u bënë aktorët më të dashur për publikun, nuk dihet se ç’drejtim do të marrin tani në karrierën e tyre. Për të mos diskutuar pastaj humbjen e rrogës së tyre mujore, që ishte 200 mijë lekë në muaj.