Radamel Falcao

Radamel Falcao
Falcao i ngazëllyer me interesimin e Arsenalit
Sulmuesi i River Plate, Radamel Falcao, ka thënë se ai është i ngazëllyer nga interesimi i një klubi si Arsenali.
Menaxheri i Arsenalit, Arsene Wenger, është duke synuar një transferim të sulmuesit kolumbian në radhët e topçinjve për një shumë prej 10 milionë euro, si një zëvendësim të përshtatshëm Emmanuel Adebayor.

“E di se ka një interesim nga Arsenali dhe kjo më bën të ngazëllyer. Nëse do të ketë një marrëveshje në mes klubeve, unë jam i gatshëm të shkoj. Kjo do të thotë një hap i madh më përpara në karrierën time. Mund të siguroj të ardhmen time financiare. Premierliga është sensacionale”, ka thënë Falcao.