West Side Family

FTESA NE TV PUBLIK, Ambasada Polake s’pajis me vizë “West Side Family”

U përzgjodhën si absolutisht më të mirët dhe në duar u erdhi sur priza më e madhe që mund të kishin ndonjëherë. Televizioni Publik Polak disa ditë më parë ftoi për të performuar në një emision live, tre djemtë e grupit “West Side Family”. Një privilegj shumë i madh ky për ta, ku ndërmjet shumë artistëve shumë të mirë shqiptarë, u përzgjodhën pikërisht ata për të përfaqësuar vendin tonë.

Do të udhëtonin drejt Polonisë në datën 24 Shkurt, duke marrë me vete emocionet dhe vlerësimet maksimale që i bëhet këtij grupi nga publiku mbarëkombëtar, por jo çdo gjë eci mirë. Ambasada polake në Shqipëri nuk i pajisi 3 djemtë me vizë në kohën e kërkuar për të qenë pjesëmarrës në emision, por viza do të ishte në pasaportat e tyre disa ditë më vonë, duke bërë që ta harrojnë kështu surprizën e madhe.

Landi, Flori dhe Miri tregojnë hapur zhgënjimin e tyre për gjithçka ndodhi, ndërsa përpara përgjegjësisë vëne ambasadën për gjestin. Emisioni në të cilin tre djemtë e “West Side Family” do të merrnin pjesë titullohej “Podro¿e z ¯artem” (që i përkthyer në shqip do të thotë: “Të udhëtosh me kënaqësi”, i cili shfaqet çdo të diel në orën 19:00 pasdite në “Channel 2” (Televizion publik polak).

Ideja e emisionit është: Njerëz të njohur nga bota e Show-Biz, Politika, Kultura e Sporti, ftohen në këtë emision për të treguar për historitë e tyre të veçanta që kanë zënë vend gjatë karrierës së tyre në vend dhe në botë, si dhe të veçanta nga kultura e vendit të tyre.

Ky emision është jashtëzakonisht i ndjekur në Poloni dhe numëron rreth 3 milionë shikues. Sipas stafit organizativ dhe vetë atyre që i bënë ftesën grupit shqiptar, arsyeja për të cilën ftonin tre djemtë në emisionin e tyre ishte:

1. Muzika e tyre mjaft e arrirë
2. Të qenit mjaft popullorë (të famshëm) në Shqipëri
3. U pëlqeu ideja e këngës me kryebashkiakun Rama